蛇王二 (Closed)

開到4月24日，一定要黎試下個蛇羹呀～菊花會五蛇羹（$72）一般蛇羹舖都會將脆脆、檸檬葉等放枱面，但呢間竟然係預先放好曬，啲脆脆就淋曬😢不過罕有地，蛇羹灑上白哲嘅鮮菊花瓣，有少少夢幻嘅感覺。蛇羹味道好清香，無一般嘅湯羹咁膩，飲落好順口。因為我係食完麻麻地嘅嘅一餐，慾求未滿咁行入黎，佢完全made my day complete。暖身又滋味，要告別真係好可惜。西洋菜燉陳腎（$34）雖然只係飲咗兩啖，都feel到佢非常清甜。陳腎燉得好透，咸味完全釋放，輕輕一咬就化開成肉絲，超正。而家去XX堂飲個湯都要三四十蚊，$34就有原盅新鮮燉湯，仲要有渣食，之後仲可以去邊度歎。