新川美食 (Closed)

雖然之前撐醫護罷工，在醫護復工後關門一星期得啖笑，亦唔知係咪偽黃，不過呢間店之前都食開，我鍾意！又雖然有豬骨濃湯同酸辣湯底揀，但我每次都淨係揀秘製醬撈麵，麵底可選米線，米粉，拉麵，紅薯粉，以及比較特別的粗薯粉，口感Q彈煙韌。但個人最愛撈米線同薯粉，比較吸味。有時都會選感覺上無咁肥既米粉，而拉麵感覺上係最飽肚。無論湯或撈都可以選辣度，大中小辣外，還可選麻或不麻，聽其他食客話中辣已經好辣，所以我都只敢食麻小辣。除了炸醬肉碎，花生，芽菜等，其他食材類似車仔麵般選搭，不過除左豬皮，其他食材無乜特別，甚至說是一般，是唯一扣分位。$6得2粒丸，不如叫個菜仲抵，相同價錢，份量多好多，所以後來每次來到都幾乎點相同的餸 - 通菜+豬皮。