Video
Read full review
2020-11-18
2217 views
成日都黎米米食買外賣，因為佢啲飯真係好好食。食左咁多餐，又寫番個整合食評先。店名換左燈箱啦，而加離遠都易望到好多。先黎個好出名嘅鰻魚炒飯，係一盒滿哂嘅，好多網友話夠兩個人食，但我就自己一個人ko一盒完全無問題啦。盒飯係炒得好香嘅，啲汁啱啱好包住每粒飯，入面嘅鰻魚亦落得好多，幾乎啖啖都食到鰻魚，味道無得挑剔，不過炒飯食咁大盒會膩，都係share食會好啲。燒汁肥牛飯係至愛，個汁同啲牛勁好食，水準絕對高過吉x家。鯖魚飯又係正，煎得香噴噴，加上甜甜鰻魚汁好好味。家人愛食雞扒飯，勁大塊雞扒，仲要剪好先入盒，方便食呀～點少得出晒名嘅原條鰻魚飯，勁大條鰻魚正呀！肥美厚肉，啲鰻魚汁撈白飯超正，個人覺得白飯底已經夠正，鰻魚飯再加鰻魚炒飯就太heavy啦，哈哈，但係值得試嘅。前排仲有特價嘅咖哩肥牛飯，咁大盒賣廿蚊咋，有無錢賺㗎？啲飯多到爆出黎，真係爆晒，勁多咖哩汁，漏左好多落膠袋都仲咁滿，仲要睇下啲肥牛多到呢，平到離晒譜。味道仲要好好味，日式咖哩汁正，太多飯太多肉食唔哂呀～啲飯咁好味嘅秘密係？用櫻城牌珍珠米囉！多多支持小店
店名換左燈箱啦，而加離遠都易望到好多。
先黎個好出名嘅鰻魚炒飯，係一盒滿哂嘅，好多網友話夠兩個人食，但我就自己一個人ko一盒完全無問題啦。
盒飯係炒得好香嘅，啲汁啱啱好包住每粒飯，入面嘅鰻魚亦落得好多，幾乎啖啖都食到鰻魚，味道無得挑剔，不過炒飯食咁大盒會膩，都係share食會好啲。
燒汁肥牛飯係至愛，個汁同啲牛勁好食，水準絕對高過吉x家。
鯖魚飯又係正，煎得香噴噴，加上甜甜鰻魚汁好好味。
家人愛食雞扒飯，勁大塊雞扒，仲要剪好先入盒，方便食呀～
點少得出晒名嘅原條鰻魚飯，勁大條鰻魚正呀！
肥美厚肉，啲鰻魚汁撈白飯超正，個人覺得白飯底已經夠正，鰻魚飯再加鰻魚炒飯就太heavy啦，哈哈，但係值得試嘅。
前排仲有特價嘅咖哩肥牛飯，咁大盒賣廿蚊咋，有無錢賺㗎？
啲飯多到爆出黎，真係爆晒，勁多咖哩汁，漏左好多落膠袋都仲咁滿，仲要睇下啲肥牛多到呢，平到離晒譜。味道仲要好好味，日式咖哩汁正，太多飯太多肉食唔哂呀～
啲飯咁好味嘅秘密係？用櫻城牌珍珠米囉！多多支持小店
Post
