Video
Read full review
2017-03-07
2224 views
星期六係尖沙咀等男朋友放工，因好肚餓，行去厚福街搵食，平時只會留意地鋪，原來大廈樓上都有好多選擇，我地就揀左呢間個名幾特別既。上到去一打開門，好多人，我見檯檯都有叫玉子燒，咁我地一坐低就即刻搵下咩名堂，原來有三隻玉子燒，我地叫左芝士蚧肉玉子燒、芝士年糕、黑松露鵝肝野菌石鍋飯、香草黑豚肉飯、芝麻雞翼、日式炒野菜、汁燒帆立貝、汁燒金菇肥牛卷！等左一陣，就即上左芝士蚧肉玉子燒，店員好貼心咁問要唔要幫手切定要影相先，我梗係話要影相先啦，因我好肚餓，影完自己切左，啲芝士流曬出來，即刻夾左黎食，味道好juicy，配埋上面既茄汁好夾。好快我地一人三件就清曬啦。跟住炒野菜都上埋，哇！好大碟啊！我以為好細碟，上面仲有好多木魚。之後再黎左芝麻雞翼，一上就已經聞到好香，睇埋個顏色就知道炸得好香口！男朋友唔理仲冒緊燒，就即刻放落口，我都唔執輸，我都即刻食，咬果下好脆啊，炸到好好味，呢個變成我大愛，下次一定必叫！依家諗返起都流口水！呢個係香草黑豚肉飯，啲豚肉燒到好juicy，一啲都唔乾，可能因為佢有少少肥，但因為有香草係上面，所以一啲都唔膩。好快就食曬成碗！再黎左個黑松露鵝肝野菌石鍋飯，呢個一放低就聞到黑松露，
等左一陣，就即上左芝士蚧肉玉子燒，店員好貼心咁問要唔要幫手切定要影相先，我梗係話要影相先啦，因我好肚餓，影完自己切左，啲芝士流曬出來，即刻夾左黎食，味道好juicy，配埋上面既茄汁好夾。好快我地一人三件就清曬啦。
跟住炒野菜都上埋，哇！好大碟啊！我以為好細碟，上面仲有好多木魚。
之後再黎左芝麻雞翼，一上就已經聞到好香，睇埋個顏色就知道炸得好香口！男朋友唔理仲冒緊燒，就即刻放落口，我都唔執輸，我都即刻食，咬果下好脆啊，炸到好好味，呢個變成我大愛，下次一定必叫！依家諗返起都流口水！
呢個係香草黑豚肉飯，啲豚肉燒到好juicy，一啲都唔乾，可能因為佢有少少肥，但因為有香草係上面，所以一啲都唔膩。好快就食曬成碗！
再黎左個黑松露鵝肝野菌石鍋飯，呢個一放低就聞到黑松露，有兩大塊煎過既鵝肝，啲飯係有落到啲燒汁同撈埋啲蘑菇，好正啊！又係好快就食曬！
兩個人各食曬成碗飯，已經差不多飽！但係一見到芝士年糕，我必點的燒物，口感煙煙韌韌，中間仲有流心芝士，正！我食曬兩個，留返個俾男朋友。
黎食燒物，點可以唔叫海鮮！？所以我哋叫咗個汁燒帆立貝，好大隻呀！不過呢一個就燒得有少少耐，帶子肉有啲韌。
最後就係金菇肥牛卷！肥牛好嫩，唔會有咬唔開既筋，金菇又多汁，就算已經好飽，我哋都食晒！
最後，覺得呢度價錢唔貴而且食得好飽，每樣嘅份量都比想像中多！總好比佐敦果間好出口既好食好多同抵好多！下次要食燒物，一定會帶朋友來呢一間食！
Post
