搬咗入東涌，搭去最近既大角咀分店，特登問左星期三有$1泰式明爐烏頭魚，同老公收工立即衝去食。
$1泰式明爐烏頭魚。
最中意個湯底，酸酸的，仲有好多配料，菇同大量肉碎。飲到啲湯冇晒，問一問職員可唔可以加少少湯，職員超好俾咗一大碗我哋，哈哈😄。烏頭魚多肉超嫰滑，唔算太大條，但$1優惠價來說就冇他求了。
我哋仲叫咗個泰式小食拼盤同蛋包海鮮炒飯。
泰式小食拼盤份量都算多，
蝦餅，春卷，魚餅切開有四舊，新鮮炸起熱辣辣，沾埋醬汁so yummy
蛋包海鮮炒飯好夠惹味，海鮮大大隻有蝦魷魚青口等。
蛋包飯睇落唔算好大，但係食落都超舊，二個人每人食咗兩碗仔。
同老公一人叫一杯嘢飲，老公飲龍眼冰，我飲芒果冰特飲。我覺得食泰國嘢最好就係飲返杯沙冰，芒果酸酸甜甜開胃又解膩，爽呀～
