The Cipollini Pizzeria

Open Now

Now Closed

平時好鍾意食意大利菜，見到呢間餐廳有新鮮製造嘅意大利麵，手工pizza同埋正宗意式雪糕，完全中晒我嘅最愛。香草醬蝦與櫻桃香茄意粉嘅香草醬好濃好Creamy，大蝦煎到又彈又爽，酸甜嘅小蕃茄為意粉解膩，整體做到好好嘅平衡。另外特大螃蟹墨汁意大利粉配翠玉瓜和彩椒，講到明係特大螃蟹，啲蟹肉真係大大嚿啖啖肉，蟹肉份量十足，而且非常鮮甜。我哋一路都揀唔到食咩pizza，最後就問店員應該揀 chicken tikka 定係 carbonara，最後店員竟然話可以特別整個合併pizza俾我哋，即係兩種味都可以試晒，超級開心！個人覺得chicken tikka更加好味，蕃茄醬汁底再加埋醃過嘅雞肉，配埋上面嘅薄荷醬，仲有啲洋蔥添，成個配搭極之好味。Carbonara嘅口味就比較特別，融合咗意大利兩大名菜。總括嚟講好鍾意呢度嘅薄批，係食過最好食嘅薄批！咁食一餐正宗嘅意大利菜又點少得甜品，呢度嘅雪糕係正宗意大利Gelato，Gelato比平時嘅雪糕健康，而且特別幼滑。我哋揀嘅味道係冧酒提子，特別推薦一定要食埋個窩夫筒，超級新鮮，超級脆卜卜！嘢飲方面揀咗抹茶皇朝沙冰兩個人分享飲，熱辣辣嘅天氣飲杯沙冰真係超級正。