たまご園 (朗豪坊) (Closed)

平民化嘅日式連鎖店Tamago, 價錢唔貴, 但佢嘅梳乎厘pancake真係做得非常好, 係我暫時試過最好味既一間👍今日有啲事自己一個去開朗豪坊, 午餐時間決定食Tamago, 醉翁之意不在午餐😏, 主要係想食佢嘅梳乎厘pancake🤗, 點咗個親子丼, 草莓雪糕特飲, 今次試下沖繩黑糖咖啡梳乎厘班戟, 原本親子丼只係打算食少少, 留定個肚食我最愛嘅pancake, 食落去發覺雞肉嫩滑, 洋蔥雞蛋加埋醬汁拌飯好好味, 唔覺意食多咗😬, 草莓雪糕特飲係士多啤梨打碎之後加入鮮奶同雪糕球, 飲埋個特飲真係好飽🙄黑糖咖啡pancake, 比我以往食開嘅原味、白桃、草莓更有層次感, 雖然少咗鮮果, 但多咗雪糕球, 而奶油也加入了咖啡味, 還加入了黑糖, 及日式厥餅令口感層次更豐富🤤