悅素

Open Now

Now Closed

一入店舖，充滿Figure 的飾櫃真係好壯觀 😄。套餐有頭盤沙律。我地揀咗地中海沙律，入面有啲藜麥，加埋黑醋酸酸甜甜但唔嗆喉，唔錯。主菜係忌廉磨菇意粉（原本想揀酸種包多士，但生痱滋都係食意粉好啲 😆），雖然係忌廉但食落都唔算好漏，份量比想像中多，一般OL 或普通男士都夠食嘅。侍應好細心，會確保我地食完沙律先上主食，咁就唔會搞到成枱都係一碟二碟，啲野食又唔會凍鬼哂 👍。我地仲叫咗小食：素雞腿，外皮脆脆地再加埋黑醋醬，原來都幾夾。😋😋。個餐仲有細細杯嘅甜品：菠蘿椰奶奇亞籽布甸，奇亞籽有助消化。食完成個 set 都真係好飽好滿足🥰，其實都幾抵食。最特別係可以半價揀水克非爾蜜桃茶 👍。不過我覺得甜咗少少，但係佢加咗1塊薄荷葉入去，成杯水克感覺清新咗，唔錯！一定會再去 👍👍