御 ‧ 家上海

Open Now

Now Closed

每次經過圍方都見到家上海排滿晒人，有時早咗放工就早啲去拎位，等咗差唔多一個鐘先可以入座。因為夜晚食，唔想飲茶令到夜晚瞓唔着覺，所以就問可唔可以轉飲水，但水都要照收茶錢。我哋兩個人叫咗上海擔擔麵、銀絲卷、金牌小籠包、蜜汁脆鱔同荔枝蝦球。擔擔面花生味濃郁，面嘅軟硬度適中，同時可以掛湯，不過由於湯底比較濃，食咗幾啖就好快滯。銀絲卷皮脆，但係入邊嘅餡包得唔夠好，做唔到一層一層嘅效果，會見到有一半係可以做到層次，有一半係普通好似饅頭咁。金牌小籠包味道同鼎泰豐味道相若，但係佢嘅小籠包皮比較口，口感冇鼎泰豐咁好食。蜜汁脆膳反而係令我最有驚喜嘅一碟餸，雖然$98得細細碟，但鱔炸到脆口，配埋甜酸汁，非常惹味開胃。荔枝蝦球係大圍店特有小菜，外型特別，仲有新鮮薄荷葉扮樹葉，食落蝦肉單㗎，不過味道就略為普通。