峇峇娘惹 (MOSTown新港城中心(4期)) (Closed)

見馬鞍山開左間娘惹菜，又多人排隊。豬肋排星洲胡椒肉骨茶，勁重胡椒味，豬肋排又淋，有豆卜同冬菇，顏色偏淺，但同平時飲開重藥味既肉骨茶好唔同。魚腐滲滲叻沙，滲滲係油麵加米線既意思，叻沙黎講，唔太夠濃。魚腐有4大舊吸哂叻沙其實好好味，可惜湯底淡。油酥餅配咖哩汁，算正常，咖哩汁岩我口味，因為佢唔辣😅😆😆😆😆馬來亞風光(參巴醬通菜) 參巴醬是星馬一帶的辣椒醬 ，正常應該好惹味，我比較鍾意食馬拉盞炒通菜🙈蝦球炒貴刁，算正常，都幾多蝦球同埋嫩，係味道少少淡。