Video
Read full review
2010-07-26
27 views
是咁的,第一次貪得意報名去試食創意長壽司,好好彩有份參與呢次活動係3 號風球高高掛既同時,都無損我去見識下長壽司既心情~一去到就見到有十幾人好熱鬧咁真係嚇左一大跳呢!而餐廳的環境感覺都幾"港式日本料理"feel. 到坐低就有杯welcome drink,我揀左北海道牛乳梳打,但飲落老老實實我真係feel唔到北海道牛乳既威力,好普通的一杯汽水(仲有係無咩汽少冰tim....)之後每上一道菜都有十幾部相機同佢地影影影相,場面真係好壯觀呢泡菜三文魚皮,炸三文魚皮,燒三文魚皮呢款係前菜創意三味 泡菜三文魚皮好似豬皮滑滑的味道不錯 其餘兩款我就覺得似雲吞麵鋪食到個d差唔多無咩特別四大拳頭刺身拼盆一出場就俾佢地既身形嚇親我最愛既帶子大到好似塊牛脷一劈咁訓左係d飯度 大塊到完全見唔到d飯 但大而無味 食完差d膩死左.. 三文魚腩厚厚的都算鮮甜美味 不錯 而牡丹蝦皇刺身真係十.分.大.隻! 第一次用刀叉食刺身 感覺奇妙 北寄貝壽司爽爽的 味道普普通通 又係得個大字 食完既感覺係好似見到o靚模身材得個大字 鍾唔鍾意就真係見仁見智喇銀鱈魚西京燒甜甜的 肉質鮮嫩 好好吃 好想再要多舊呢~鹽燒牛脷聽講係用
泡菜三文魚皮,炸三文魚皮,燒三文魚皮呢款係前菜創意三味 泡菜三文魚皮好似豬皮滑滑的味道不錯 其餘兩款我就覺得似雲吞麵鋪食到個d差唔多無咩特別
四大拳頭刺身拼盆一出場就俾佢地既身形嚇親我最愛既帶子大到好似塊牛脷一劈咁訓左係d飯度 大塊到完全見唔到d飯 但大而無味 食完差d膩死左.. 三文魚腩厚厚的都算鮮甜美味 不錯 而牡丹蝦皇刺身真係十.分.大.隻! 第一次用刀叉食刺身 感覺奇妙 北寄貝壽司爽爽的 味道普普通通 又係得個大字 食完既感覺係好似見到o靚模身材得個大字 鍾唔鍾意就真係見仁見智喇
銀鱈魚西京燒甜甜的 肉質鮮嫩 好好吃 好想再要多舊呢~
鹽燒牛脷聽講係用牛脷最好部份鹽燒 但可能要影相關係入口凍凍的 而且唔爽口 失敗最鬼異的是奇異果鋪底唔知想點 有點9唔搭8呢
8吋海膽壽司,藍鰭吞拿魚腩壽司最最最期待的終於出場喇~見到件海膽壽司個外形可以用驚嚇黎形容 真係令我大開眼界!但未食我已經係度諗用蒟蒻撈海膽咁咪食唔到海膽既鮮味?果然....無鮮味都算喇,食落仲一陣腥味,味道好唔得 仲要一夾即四散 真係玩死我咩而另一款藍鰭吞拿魚腩睇落去顏色好似無尼精神未訓醒咁wo 色澤暗啞 俾佢個華麗的名字呃左tim 好普通....
炸蝦天婦羅拚明太子雜菌炸漿厚厚的 炸衣口感堅韌 仲有小小油膉味 只可以講有進步既空間囉 而明太子雜菌粉紅色很討女孩子歡心 食落唔知點解令我諗起pizza hut d意粉醬 味道不過不失都可以一試
特大馬刀貝味噌煮呢個係我全晚惟一試一口就同佢說再見既一道菜 鬼咩...話知佢幾好味呀 隻特大馬刀貝有沙wo 我唔想同個肚過唔去呀!
特級火山卷呢個係我食唔飽另試的 拳頭咁大 終於試到d正常味道壽司 食一舊飽到上心口
雲呢拿海膽焦糖燉蛋,日本絹豆腐慕絲 海膽同焦糖燉蛋我都喜愛 但一加一未必等於二 隨時併出第三種怪味 呢個就係一個例子 又咸又甜咁 我接受唔到囉 而日本絹豆腐慕絲就出色好多 有豆味 很喜歡滑溜溜的口感 誠意推介~!
服務方面員工十分十分友善同快手,仲每道菜色都細心幫我地分好晒,抵讚!
今次活動除左試左好多創意菜色,仲聽左好多有趣飲食經驗.謝謝openrice令我有一個又驚又喜的一個晚上^^
Post
