Video
Read full review
2019-09-24
258 views
聽聞呢間野已經開左4年，但我搬左入馬鞍山成年都未食過。一路以為佢淨係做甜品，點知今日諗住食隔離三哥做lunch嘅時候，行過路過，發現原來佢有做午巿架喎。加上望緊佢有咩食嘅時候店員又好熱心咁出黎邀請，咁就試下所野啦。午巿時間，入面一個人都冇，其實都驚係伏伏伏...點知佢又唔差喎，雖然得兩個選擇（一個係腩肉，另一個係雞）我同我個朋友一人嗌左一款，兩個飯底都係老醬油撈飯，拌有大量蔥同粟米，我個雞飯仲有少少薑蓉。望落以為好重味，食落反而幾清新，朋友個腩肉飯仲有少少煙燻味。今日幫襯有送野飲，幾欣賞佢個凍黑咖啡，香得黎唔苦，幾有日式風味。埋單盛惠每人45蚊，同你去茶記食差唔多啦。有心做嘅小店，可以再幫襯。（拿，唔知今日招呼我地個哥仔係咪老細，不過佢叫我上網幫佢宣傳下佢地有做lunch我就幫佢分享左呢個訊息出去，唔知下次去係咪可以繼續送飲品呢？😆）
午巿時間，入面一個人都冇，其實都驚係伏伏伏...點知佢又唔差喎，雖然得兩個選擇（一個係腩肉，另一個係雞）我同我個朋友一人嗌左一款，兩個飯底都係老醬油撈飯，拌有大量蔥同粟米，我個雞飯仲有少少薑蓉。望落以為好重味，食落反而幾清新，朋友個腩肉飯仲有少少煙燻味。
今日幫襯有送野飲，幾欣賞佢個凍黑咖啡，香得黎唔苦，幾有日式風味。埋單盛惠每人45蚊，同你去茶記食差唔多啦。有心做嘅小店，可以再幫襯。（拿，唔知今日招呼我地個哥仔係咪老細，不過佢叫我上網幫佢宣傳下佢地有做lunch我就幫佢分享左呢個訊息出去，唔知下次去係咪可以繼續送飲品呢？😆）
蔥油雞飯？（唔記得exactly個名）
$45
12 views
0 likes
0 comments
腩肉飯拌溏心蛋（唔記得exactly個名）
$45
10 views
0 likes
0 comments
Post
