華御結

Open Now

Now Closed

早餐食華御結已經成為日常，有人覺得呢度既飯糰幾貴下，我唔否認；但質素真係有保證，味道好食，飯粒唔會雪到過硬，紫菜一定係脆卜卜，而且有唔同口味，每款口味都好獨特。而家早餐仲新出了set, 有飯糰配燒賣加飲品。重點係：方便！唔同地方都有分店，真係日日早餐都唔會厭。今日經過呢度，原來又開左新分店，咁岩8月又有新產品，我想寫下呢件產品！沖繩風火腿扒玉子 （30hkd）當然，講白d，其實係mix左香港風既珍寶日式飯糰！唔好以為30蚊好貴，真係好大舊，大舊到當一個lunch都得。火腿扒，即係午餐肉，厚身而又充滿油香，加上日式玉子，教我如何不愛上它～原來呢個珍寶飯糰有唔同口味，等我聽日再試下其他先！