壽司郎 (Closed)

日本同台灣的壽司朗其實一路都好出名，雖然日本大部份分店都唔係係市區...但我都係唔同地方食過...最近一次,..就係大阪市中心...佢8月尾開張..我就去食左...真心好抵食...聽到香港會開..我都好開心,因為一路都好掛住佢假赤蝦...因為真係好好食!!!!咁岩有一日到5點佢竟然仲有飛拿...二話不說拿飛!收工就飛去排隊....不過都排左個幾鐘...但係一上到去....就聽到一個好可怕的消息....話說佢個日話大廈抽水壞左...冇廁所....好彩我冇需要..唔係都幾大獲....咁入到去...同日本台灣一樣,都係用PAD點餐...咁樣可以自由小小,唔駛下下搵人幫手咁麻煩...第一件事緊係當然赤蝦......果然同日本一樣....咁好食!!! 當日我一個人食左三碟!其他壽司的魚料都好新鮮! 當然亦因為佢真係好多人食喇!雖然好多人，但全部魚料都唔會凍冰冰或者未融曬雪咁!呢間壽司如果KEEP到呢個水準..佢係香港真係可以開幾十間!!加油!!我都想周圍都有得食呢...