越色牛肉粉餐廳 (Closed)

今日我哋響銅鑼灣購物完之後，大少帶咗我去佢平時食開嘅越南粉。呢一間越南粉有大少最喜愛嘅是拉差辣椒醬。大少點左個生牛肉牛丸金邊粉，我就點左個所謂「牙車快」即係乜都有，有牛肉，牛腩，牛筋，牛柏葉，牛丸嘅金邊粉。大少對食金邊粉都有d要求，同埋呢一間鋪頭有大少最喜愛嘅是拉差醬。大少將青檸汁，是拉差醬一齊撈埋落去碗粉度，哩晚我見到大少食得好滿足。我碗牙車快好大碗，我已經叫咗小粉，但係食極都唔完。我自己認為個湯比較淡，不過應該冇味精，因為我食完之後冇口渴。雖然呢間鋪頭冇乜特別好唔好食，但因為我見到大少食得好開心，同埋有佢最喜歡嘅是拉差醬，所以我決定比好評。