Video
Read full review
2011-03-28
166 views
12月31日, 嚟到2010年最後一日, 繼續有大食大~!!! 其實本身都無諗過會去到沙田2+2呢度食buffet… 不過咁啱有張大除夕嘅free dinner buffet coupon, 所以就嚟咗試下~ 今晚個場大部份都比同一間公司包起晒, 全部人都係手持coupon排隊入座, 仲有好多人係互相認識嘅添!::: 海鮮冷盤類 ::: 首先必食有專人即席開殼嘅翻本食物生蠔! 蠔身細隻但頗鮮味, 質地creamy唔腥~ 係出乎意料地好味! 其他海鮮仲有龍蝦、蟹腳、翡翠螺、青口、凍蝦等~ 開邊龍蝦都叫有d肉食, 仲有少少蝦膏, 但唔夠新鮮, 肉質亦欠彈性. 蟹腳反而唔錯~ 幾多肉而且味道鮮甜~ 呀比食咗好多隻! 其他如翡翠螺、青口、凍蝦都唔差, 都叫食得過~::: 刺身沙律類 ::: 刺身款式都係三文魚、吞拿魚、八爪魚呢d大路野, 都係有師傅即叫即切~ 我地淨係要咗三文魚, 都油潤肥美!沙律都幾多款, 凱撒、和風、墨西哥、意粉沙律等都有, 仲有d燒彩椒、茄子、菇類等選擇, 基本上d蔬菜夠新鮮, 所以好難唔好食! 仲有三、四款cold cut, 腸仔, 煙三文魚同芝士等, 呢d就一般貨色而
::: 海鮮冷盤類 :::
首先必食有專人即席開殼嘅翻本食物生蠔! 蠔身細隻但頗鮮味, 質地creamy唔腥~ 係出乎意料地好味! 其他海鮮仲有龍蝦、蟹腳、翡翠螺、青口、凍蝦等~ 開邊龍蝦都叫有d肉食, 仲有少少蝦膏, 但唔夠新鮮, 肉質亦欠彈性. 蟹腳反而唔錯~ 幾多肉而且味道鮮甜~ 呀比食咗好多隻! 其他如翡翠螺、青口、凍蝦都唔差, 都叫食得過~
::: 刺身沙律類 ::: 刺身款式都係三文魚、吞拿魚、八爪魚呢d大路野, 都係有師傅即叫即切~ 我地淨係要咗三文魚, 都油潤肥美!
沙律都幾多款, 凱撒、和風、墨西哥、意粉沙律等都有, 仲有d燒彩椒、茄子、菇類等選擇, 基本上d蔬菜夠新鮮, 所以好難唔好食! 仲有三、四款cold cut, 腸仔, 煙三文魚同芝士等, 呢d就一般貨色而已.
::: 熱盤葷肉類 ::: 熱盤類真係雜不甩乜都有! 有d中式牛柳、蒸魚、蘿蔔燜牛腩、燒汁雞扒、燒鵝、西蘭花、炒飯炒麵等等等等… 竟然仲有燒乳鴿! 我地每樣都試咗少少, 但大部份味道偏淡, 肉質都係韌韌硬硬偏多, 都數唔出邊樣係比較好…
西式野有d白酒煮青口, 芝士白汁千層麵, 炒雜蔬等, 味道ok但就比較油膩… 仲有d印度野, 咖哩雞羊魚同雜菜基本上都係同一個味, d黃飯就過硬, 印度薄餅就過鹹… 都係好一般…
另外有d燒牛肉、豚肉, 都係師傅即叫即切~ 但肉質一係太實一係太霉, 又無肉味… 實在係難食!
::: 廚師即煮類 :::廚師即煮類中首推現炸天婦羅, d蝦雖然細細隻但勝在炸得頗脆, 仲有其他天婦羅雜菜都唔錯~ 美中不足係因為太多人拎, d天婦羅都無時間整乾身, 所以都幾多油…
爐端燒個counter就長期煙霧彌漫… 但d燒物都係普通野~ 味道亦偏鹹…
仲有個呀菲成日都好期待但好少會遇到d出色嘅即煮意粉檔! 要咗白汁煮墨魚麵加蝦、蜆肉、青口同三文魚, 望到個亂兜一通嘅賣相已經唔多開胃… 味道上有d調味料唔勻邊鹹邊淡嘅情況… 配料味道亦唔太新鮮… 比較失望.
::: 雪糕甜品類 :::有兩大架雪糕車~ 其中一架係haagen dazs! 各車分別有6同4隻味, 總會有隻味道啱你~ 都係由專人服侍幫你畢嘅, 但個專人唔係長駐架, 有時行開咗就要等下佢返黎… 如果可以自己嚟就無咁麻煩!
其他雪糕以外嘅甜品當然唔少得各式各樣嘅cake! 有普通 cheesecake、blueberry cheesecake、chocolate cake、tiramisu、開心果mousse cake、檸檬蛋糕、咖啡蛋糕甚至燉蛋同窩夫都有! 全部都係細細件bite size其實幾體貼~ 可惜只有cheese cake同chocolate cake呢兩樣味道夠濃較好, 其他質素都相當一般…
同場仲有生果同朱古力噴泉¸ 但都係麻麻新鮮同埋有d似浸過糖水…
仲有部咖啡機! 都ok 架
呢度地方好大~~~ 食物分兩邊擺, 都算幾多野食! 但如果安排坐喺中間位置要拎野食都比較麻煩… 雖然呢度有生蠔蟹腳等翻本食物, 又有gimmick野如即叫即煮counter同天婦羅呀爐端燒等等… 食物種類都幾多, 可惜就無乜邊樣食物係特別出色, 尤其d熱盤同甜品表現頗差! 如果要比正價嚟食… 實在唔係幾值…
Post
