Video
Read full review
2017-01-03
8344 views
路經九龍灣醫肚，梗係上openrice搵食。女友想食辣嘢，睇見呢度有京川滬菜，啱哂！我鍾意食小籠包，佢鍾意食川菜辣嘢，就呢間啦！二人行搭扶手電梯上德福廣場二期，上到五樓要兜一兜路至搵得到六樓，位置就响嗰間碩果僅存知名沖曬快影印圖又美嘅舖頭隔籬。一入到去，嘩不得了，沖曬店周邊舖位是默認了因為租平所以特別隔涉的，照計應該冇乜人至係吖！誰不知唔係播！差啲冇位！好在我哋只係兩丁友，剛好有張吉嘅二人檯，梗係即時坐低快馬點菜。好嘞長話短說入正題，兩個人叫一客酸辣湯又怕太多，叫一碗又驚太少，於是乎就索性點咗呢個酸辣湯拉麵。嗱果然冇揀錯！兩個人食份量啱啱好，酸辣適中，又可墊底夠飽肚，但係就略嫌佢麵多湯少咗啲。之後梗係唔少得我嘅至愛一口小籠包啦！皮薄餡靚有湯汁，夾唔穿，絕對合格之上水準！維番一隻只係九蚊左右。等得比較耐嘅係呢味辣子土雞煲作為今餐嘅結尾。嗱鐘意食芫茜嘅朋友就不容錯過嘞！好大撮芫茜响面。食唔出係唔係真係土雞，夠辣但係唔夠麻，雞嘅份量少，而且唔係多肉嘅部位，好多雞轉彎同埋雞頸，味道絕對及唔上坊間專營重慶辣雞煲嗰啲舖頭嘅出品。嗱呢味菜我下次唔會再點。埋單$275，留意番呢度有樣收費叫做茶水巾芥，
女友想食辣嘢，睇見呢度有京川滬菜，啱哂！我鍾意食小籠包，佢鍾意食川菜辣嘢，就呢間啦！
二人行搭扶手電梯上德福廣場二期，上到五樓要兜一兜路至搵得到六樓，位置就响嗰間碩果僅存知名沖曬快影印圖又美嘅舖頭隔籬。
一入到去，嘩不得了，沖曬店周邊舖位是默認了因為租平所以特別隔涉的，照計應該冇乜人至係吖！
誰不知唔係播！差啲冇位！好在我哋只係兩丁友，剛好有張吉嘅二人檯，梗係即時坐低快馬點菜。
好嘞長話短說入正題，兩個人叫一客酸辣湯又怕太多，叫一碗又驚太少，於是乎就索性點咗呢個酸辣湯拉麵。
嗱果然冇揀錯！兩個人食份量啱啱好，酸辣適中，又可墊底夠飽肚，但係就略嫌佢麵多湯少咗啲。
酸辣湯拉麵
$66
59 views
1 likes
0 comments
一口小籠包
$64
51 views
2 likes
0 comments
嗱鐘意食芫茜嘅朋友就不容錯過嘞！好大撮芫茜响面。
食唔出係唔係真係土雞，夠辣但係唔夠麻，雞嘅份量少，而且唔係多肉嘅部位，好多雞轉彎同埋雞頸，味道絕對及唔上坊間專營重慶辣雞煲嗰啲舖頭嘅出品。嗱呢味菜我下次唔會再點。
辣子土雞煲
$96
45 views
0 likes
0 comments
Other Info. :
一坐低，身邊四五位活潑好動嘅鄰桌小朋友立即响我身邊好似蜜蜂嬲蜜糖咁團團轉，打量一下佢哋所坐嗰張檯，噢立即明白了，一時醒唔起德福廣場二期有專車接載遊客嚟購物添。唔知以為自己真係去咗上海咁呀！
嗱仲有，呢間嘢有道餐前小食係啲菰菌類咁上下嘅嘢，你唔啱食係可以叫侍應收走佢，否則就入單計錢。
(The above review is the personal opinion of a user which does not represent OpenRice's point of view.)
Post
