海東軒

Open Now

Now Closed

因今日10個家庭成員食飯，諗住食海鮮加工，搵一間酒樓坐得舒服啲。乳豬不過不失，剛剛合格水平。正常急涷蝦水平，芡汁開得太稀。條黃皮老虎斑4斤係街市買千一蚊，拎黎加工，最後廚房師傅連洗都洗得唔乾淨，魚鱗都冇再幫我清乾淨啲，搞到蒸頭腩有啲腥腥地🫠另外炒球做得都唔好，魚肉散散地，落味又重手左。蒸得過熟😓呢個做得幾好，酒味夠，好香，剛好熟。呢個雞又反而整得幾好食，夠味剛好熟，食落肉質口感好！整體而言，雖然加工費算便，餐廳服務又幾好，但外來海鮮煮功唔得，諗住近海鮮街市，加上大酒樓，應該都穩陣，結果有啲失望。