Video
Read full review
2018-12-30
238 views
平時比較少食印度菜，純粹係朋友帶過我食之後就覺得都幾好食。呢日約咗個食素嘅朋友食晚飯，就決定嚟呢間活蘭印度素食 Woodlands Indian Vegetarian Restaurant，可以食素之餘，又可以食下啲平時唔係點食嘅菜～呢間餐廳嘅位置相當就腳，就只係喺永安廣場第二層，食完又可以去行下海旁～餐廳裝修幾靚，座位又夠闊落～餐廳有唔同語言既menu，非常貼心。唔係好知係咩嚟都可以問下店員有咩推介，店員會真心咁推薦！我哋食咗店員推薦嘅菜式之後都覺得佢無介紹錯第一樣上嘅係呢兩碟。餐廳送嘅小食嚟嘅，有少少似蝦片咁，幾好食～我哋三個人叫得兩樣主菜，但已經好夠飽。Woodlands Special Thali 招牌特色套餐（$135）Thali嘅意思係套餐～呢個Thali入面有好多嘢，有咖喱雜菜乳酪飯、炸素包、小麥包、扁豆湯、咖喱雜菜等等。側邊擺咗唔同嘅汁，點啲包食。除咗有咖喱汁之外，仲有啲乳酪汁，款款都好好味！Paper Masala Dosa 洋蔥薯仔烤餅（$85）呢個都係店員推介嘅，我哋都好鍾意！首先係一上碟就比佢個巨型size吸引咗食嘅方法就係mid啲烤餅出嚟點醬食，又或者點入面嘅
呢日約咗個食素嘅朋友食晚飯，就決定嚟呢間活蘭印度素食 Woodlands Indian Vegetarian Restaurant，可以食素之餘，又可以食下啲平時唔係點食嘅菜～呢間餐廳嘅位置相當就腳，就只係喺永安廣場第二層，食完又可以去行下海旁～
餐廳裝修幾靚，座位又夠闊落～
餐廳有唔同語言既menu，非常貼心。唔係好知係咩嚟都可以問下店員有咩推介，店員會真心咁推薦！
我哋食咗店員推薦嘅菜式之後都覺得佢無介紹錯
第一樣上嘅係呢兩碟。餐廳送嘅小食嚟嘅，有少少似蝦片咁，幾好食～
我哋三個人叫得兩樣主菜，但已經好夠飽。
Woodlands Special Thali 招牌特色套餐
$135
32 views
0 likes
0 comments
Thali嘅意思係套餐～
呢個Thali入面有好多嘢，有咖喱雜菜乳酪飯、炸素包、小麥包、扁豆湯、咖喱雜菜等等。側邊擺咗唔同嘅汁，點啲包食。除咗有咖喱汁之外，仲有啲乳酪汁，款款都好好味！
Paper Masala Dosa 洋蔥薯仔烤餅
$85
8 views
0 likes
0 comments
呢個都係店員推介嘅，我哋都好鍾意！
首先係一上碟就比佢個巨型size吸引咗
食嘅方法就係mid啲烤餅出嚟點醬食，又或者點入面嘅masala食。
啱啱嚟到嘅時候烤餅啱啱整好，熱辣辣、脆卜卜，好正。
過咗一陣會稔少少，但我覺得都好好食哈哈！
Mango Lassi 芒果乳酪（$35）我哋見到每枱都有一杯咁嘅lassi，所以都叫咗一杯嚟試下。
飲落好似奶昔咁，芒果味幾濃。酸酸地凍凍地，一路食住辣咖哩一路飲住都唔錯。
Gulab Jamun 炸奶球伴糖漿（$40）最後就係呢個甜品喇！
難得嚟到印度餐廳，都想試下平時好少會食到嘅印度甜品～
細細粒嘅炸奶球，入口即化。
因為浸咗喺糖漿入面，所以有啲太甜～但好似話印度人就係鐘意呢種甜味哈哈
總括嚟講，食物質素我哋非常滿意。
服務質素都好好，店員好有heart，態度又好好！
環境都舒服，地點又就腳。
最重要係我哋平時好少會食到呢啲正宗印度菜，所以好特別，一定會推介俾其他朋友試下～
Post
