忠記粥品 (鴉打街)

Open Now

Now Closed

呢到好近果欄, 啱曬去完果欄買🍇生果之後過黎開餐, 而臨近中秋食左好多月餅, 所以今晚決定食粥減輕胃部負擔, 呢間粥店比香港普遍既街坊粥店新少少同企理, 我地之前都有幫襯過, 嗰次仲叫左件白糖糕, 好味清甜無酸味, 但近排我個甜品胃比月餅填到滿瀉左, 下次啦。我地叫左艇仔粥, 鹹蛋碎牛粥, 油炸鬼, 腸粉同豆漿, 艇仔粥我無食, 問老公覺得點, 佢話: 材料黎講唔夠前排我地食元朗新記嗰間豐富, 但$18碗仲想點。我就食鹹蛋碎牛粥, 我個人認為鹹蛋同粥係絕配, 但我係香港幫襯過既粥店都無見過有賣鹹蛋粥除左呢間, 而碎牛粥我覺得可以列入香港經典食物之一, 好味又有特色。佢地既粥底係偏清淡既口味。值得一讚既係油炸鬼, 雖然送黎既時候係凍既但係仲脆架, 好味。