Video
Read full review
2017-02-03
155 views
本身係一心想食個二人英式 tea set 而上黎嘅...但基於唔齊材料 停售, 所以只能另外再選... 等緊嘢食之際, 正準備打開本身挑咗嘅 d 快 game 黎玩, 但無意間望到 + 多口一問部標機係是咪真係可以玩 (我地初頭其實覺得係裝飾黎), 就玩到無傾過計 直到有嘢食先停手... (Um... 中係有掉中過幾下嘅... 分數嘛... 就算吧啦我... -..-lll) 講番嘢食先, 我地係散叫加錢變餐嘅~雜錦串燒, 中規中矩嘅質量, 熱辣辣感覺係加分嘅, 因為太多地方好意思上 d 微暖到近乎凍嘅串燒比客食... 呢度即叫即做, 欣賞嘅~蕃茄煙三文魚 Pizza, 熱辣辣 薄脆脆得黎 足料 拉絲芝士配熱汁, 嗯嗯 想搶埋朋友 last 哥件 但可惜唔夠佢手快, 唔夠喉呀我~蜜汁雞中翼, 雖然細細隻 但個蜜汁上得足上得夠厚, 焗完 表皮有脆感 食熱熱熱甜甜 滋味呀!格仔餅 (本身想叫心太軟, 但無預訂 所以就惟有轉軚... ), 上枱新鮮熱辣, 好睇得黎味道唔錯架, 係爭在個質感淋滋滋咗啲, 若果外面烘番乾身啲啲, 有番啲脆感就好喇!btw, 尼度嘅 tea 其實係幾抵嘅, 餐跟
等緊嘢食之際, 正準備打開本身挑咗嘅 d 快 game 黎玩, 但無意間望到 + 多口一問部標機係是咪真係可以玩 (我地初頭其實覺得係裝飾黎), 就玩到無傾過計 直到有嘢食先停手... (Um... 中係有掉中過幾下嘅... 分數嘛... 就算吧啦我... -..-lll)
講番嘢食先, 我地係散叫加錢變餐嘅~雜錦串燒, 中規中矩嘅質量, 熱辣辣感覺係加分嘅, 因為太多地方好意思上 d 微暖到近乎凍嘅串燒比客食... 呢度即叫即做, 欣賞嘅~
蕃茄煙三文魚 Pizza, 熱辣辣 薄脆脆得黎 足料 拉絲芝士配熱汁, 嗯嗯 想搶埋朋友 last 哥件 但可惜唔夠佢手快, 唔夠喉呀我~
蜜汁雞中翼, 雖然細細隻 但個蜜汁上得足上得夠厚, 焗完 表皮有脆感 食熱熱熱甜甜 滋味呀!
格仔餅 (本身想叫心太軟, 但無預訂 所以就惟有轉軚... ), 上枱新鮮熱辣, 好睇得黎味道唔錯架, 係爭在個質感淋滋滋咗啲, 若果外面烘番乾身啲啲, 有番啲脆感就好喇!
btw, 尼度嘅 tea 其實係幾抵嘅, 餐跟埋無限添飲, 同朋友傾吓計 玩下飛鏢 玩下快 game, 係開心嘅! 🤗 可惜, 開餐食嘢之際 就有 pair 客夾硬食煙, 仲要一飛接一飛... 😤 攻到我個鼻勁痛 完全無晒心情 唯有快快食完走人... 😭🙈
Post
