Video
Read full review
2020-12-01
67 views
平時去銅鑼灣都大把好嘢食，估唔到Time Square過少少，新開左間泰式流水蝦餐廳，人均價錢同出邊放題相約都係$300左右，但就食到新鮮嘅流水蝦，就算冇得去泰國，都可以食下泰國菜頂住先！一入到去就見到全場都係流水蝦缸，每張枱隔離都有流水蝦可以比客人夾，真係好似返咗泰國咁！至於出邊就分咗唔同嘅area，例如：燒烤食物區、海鮮區、雪糕、飲品、熟食、甜品、小食等等，款式都幾豐富！不過我幾欣賞呢度嘅醬料區，擺放左唔同嘅泰式醬汁同配料，仲有特別調製嘅泰式辣醬，可以比客人自己調較口味。而且海鮮區都好豐富，有齊生蠔、帶子、青口、花螺、大蜆等，令我覺得surprise嘅係竟然有生蠔呢啲比較貴價嘅食材，平時好少見到放題會有，估唔到呢度咁大方，可以比客人任食！揀好想食嘅嘢，就當然係坐低慢慢燒啦，首先梗係要試吓海鮮，生蠔好肥美，而且好多汁；帶子都好鮮甜，兼且清理得好乾淨，不過主角當然就係游水嘅大頭蝦啦，每隻都好多蝦膏流曬出嚟，金黃色嘅蝦膏好香，而且蝦肉彈牙爽口，味道鮮甜，真係要食多幾隻！燒烤嘅肉類都唔錯，尤其係五花肉同雞翼，充滿黑椒同蒜香，而且唔會太鹹，調味啱啱好！另外雞軟骨同雞腎都有驚喜，店家將佢哋穿起
一入到去就見到全場都係流水蝦缸，每張枱隔離都有流水蝦可以比客人夾，真係好似返咗泰國咁！
至於出邊就分咗唔同嘅area，例如：燒烤食物區、海鮮區、雪糕、飲品、熟食、甜品、小食等等，款式都幾豐富！
不過我幾欣賞呢度嘅醬料區，擺放左唔同嘅泰式醬汁同配料，仲有特別調製嘅泰式辣醬，可以比客人自己調較口味。
而且海鮮區都好豐富，有齊生蠔、帶子、青口、花螺、大蜆等，令我覺得surprise嘅係竟然有生蠔呢啲比較貴價嘅食材，平時好少見到放題會有，估唔到呢度咁大方，可以比客人任食！
揀好想食嘅嘢，就當然係坐低慢慢燒啦，首先梗係要試吓海鮮，生蠔好肥美，而且好多汁；帶子都好鮮甜，兼且清理得好乾淨，不過主角當然就係游水嘅大頭蝦啦，每隻都好多蝦膏流曬出嚟，金黃色嘅蝦膏好香，而且蝦肉彈牙爽口，味道鮮甜，真係要食多幾隻！
燒烤嘅肉類都唔錯，尤其係五花肉同雞翼，充滿黑椒同蒜香，而且唔會太鹹，調味啱啱好！
另外雞軟骨同雞腎都有驚喜，店家將佢哋穿起嚟一串串，食嘅時候就比較方便，加埋啲青色嘅泰式辣汁，好似喺夜市食緊串燒，正呀！
如果大食嘅朋友仲可以食埋呢度嘅泰式船麵，可以自己揀配料去煮，不過我太飽就冇食啦，留番啲quota去食甜品！
呢度嘅椰汁糕好香椰子味，但同平時出邊食嘅椰汁糕好唔同，比較軟身，感覺好似食緊cream咁，另外推薦嘅係呢款雪糕波波，奶味好出，唔會太甜，好啱女仔嘅口味！
有得食又有得玩，嘢食又夠新鮮，味道都唔錯，價錢同一般放題相若，而最令我驚喜嘅就係生蠔同爆曬蝦膏嘅大頭蝦，真係好好味！下次有機會可以再嚟食！
Post
