香辣車仔麵

Open Now

Now Closed

今日係第一次去咗呢一間香辣車仔麵👍🏻之前朋友send咗相俾我睇，覺得呢間餐廳好有特色！同埋望到都唔係好貴，所以就過嚟試吓❤️❤️睇吓佢廬山真面目先🤣🤣🤣🤣對於食車仔麵有一種喜好，就係一定要食佢哋嘅滷水雞翼！今次都唔例外，叫咗滷水雞翼同埋牛腩同埋牛肚！首先想講一講呢度嘅滷水雞翼真係好好食！呢個滷水汁加埋雞翼真係冇得輸！滷水汁好香濃，而且喺雞翼入面已經完全入晒味！所以真係好正👍🏻而且呢個滷水雞翼煮得好琳，軟骨嘅位置已經完全可以好輕鬆咁樣咬得到！所以真係好好！再加上呢度嘅腩汁好好食，好香！就咁飲落口都食得出係好香濃嘅牛肉湯嘅味道！而且呢度嘅五香牛腩都好好食！肉質好好，而且好香嘅牛肉味！個人來講幾鍾意！