Club Albergue 1601 (Closed)

慶祝我生日，老公搵左呢間餐廳，貪佢地點就腳，環境不錯，又有生蠔食。有太多嘢想試，見有人食大蜆意粉，蜆極大隻，海鮮拼盤又好吸引。頭盤叫左cold cut platter，不過不失，但沒有什麼特別。menu上的生蠔都係套餐，因為我唔食，老公一個人食唔到咁多，問侍應有無散叫，有不得止，仲帶老公去揀生蠔，估唔到只叫兩隻，都成盤上，仲俾埋名你。老公話真係好好味，下次一定要再嚟食生蠔。主菜叫西班牙黑毛豬架，黑毛豬好味之餘值得一贊係配菜既甜薯薯條。紅蝦帶子意粉，上枱時覺得好細碟，不過食落原來都幾多，隻蝦算大隻，個蝦頭仲好juicy，蝦肉好鮮甜。帶子煎得恰到好處，好味。食埋甜品心太軟，好滿足。