Video
Read full review
2021-11-10
309 views
夜晚同朋友係旺角行完街，唔算食太飽又想食少少輕食同飲野，就決定試下堂食嘅春水堂。-連鎖店都有高質出品嘅台灣菜 春水堂-夜晚8點鐘左右，同朋友直入唔洗等位，座位偏逼通道較窄，不過香港鋪租貴都明白要間多幾張枱嘅，侍應服務正常水準，上菜速度正常，係叫起左甜品之後再叫上得甜品似乎漏左單，因為一催單反而又即刻拎到比我地。-1.鐵觀音珍珠奶茶3.75/5鐵觀音茶底好香唔會比奶味搶哂，奶茶亦夠滑，珍珠偏細粒但都煙韌，好推薦!唯一美中不足係似乎太濃，然後好不幸地失眠左，哈哈。2.魯肉飯3.75/5魯肉飯偏甜同瘦肉多D，係適合香港人口味一D嘅魯肉飯，唔係傳統台灣半肥瘦既魯肉飯，但係味道同汁料都調得好好，如果再多D魯肉可以撈哂成碗飯就完美。3.滷香拼盤4.25/5春水堂嘅非常多滷味嘅小食，選擇困難症兼樣樣都想試嘅我地就揀左滷香拼盤，拼盤包括有滷豬腸，牛肚，牛筋;依個拼盤非常出色，滷水汁非常入味，牛肚完全食到滷水汁嘅香甜，牛筋就都滷得非常入味而且變成啫喱入口即溶，非常值得推介!4.當歸藥膳湯3.75/5咁啱依一日天氣跌到10幾度，朋友就想飲碗湯暖一暖身，估唔到又有驚喜，藥膳湯非常足料，當歸味濃，依度用左腰果
-
連鎖店都有高質出品嘅台灣菜 春水堂
-
夜晚8點鐘左右，同朋友直入唔洗等位，座位偏逼通道較窄，不過香港鋪租貴都明白要間多幾張枱嘅，侍應服務正常水準，上菜速度正常，係叫起左甜品之後再叫上得甜品似乎漏左單，因為一催單反而又即刻拎到比我地。
-
1.鐵觀音珍珠奶茶
3.75/5
鐵觀音茶底好香唔會比奶味搶哂，奶茶亦夠滑，珍珠偏細粒但都煙韌，好推薦!唯一美中不足係似乎太濃，然後好不幸地失眠左，哈哈。
2.魯肉飯
3.75/5
魯肉飯偏甜同瘦肉多D，係適合香港人口味一D嘅魯肉飯，唔係傳統台灣半肥瘦既魯肉飯，但係味道同汁料都調得好好，如果再多D魯肉可以撈哂成碗飯就完美。
3.滷香拼盤
4.25/5
春水堂嘅非常多滷味嘅小食，選擇困難症兼樣樣都想試嘅我地就揀左滷香拼盤，拼盤包括有滷豬腸，牛肚，牛筋;依個拼盤非常出色，滷水汁非常入味，牛肚完全食到滷水汁嘅香甜，牛筋就都滷得非常入味而且變成啫喱入口即溶，非常值得推介!
4.當歸藥膳湯
3.75/5
咁啱依一日天氣跌到10幾度，朋友就想飲碗湯暖一暖身，估唔到又有驚喜，藥膳湯非常足料，當歸味濃，依度用左腰果提昇湯既精華，飲落非常暖身而且啖啖湯料，都係值得一試!
5.御品三寶牛肉麵
3.5/5
牛肉麵非常大碗，但係麵質略嫌較稔，同坊間牛肉麵差別不大，唯一可以讚下嘅就係牛肉牛筋都重滷水味。
6.珍珠熔岩蛋糕
2.75/5
餐牌圖片非常吸引，但實物黎到就稍微失色，蛋糕雖然有茶味，但入口太實，似馬拉糕嘅質地，主要係食面頭少少黑糖醬同珍珠，成為全晚比較失望嘅菜色。
-
總結:本身以為春水堂依類台式飲品店主打當然係茶飲，食物都只係略略兼顧，估唔到大部分食物都出奇地好食，而且價錢唔算貴，論食物出品已經好過唔少主打台式食品嘅餐廳，算係性價比幾高，可以再試既餐廳!唯一少少略嫌不足就係有漏單同埋樓面圍埋傾計唔太睇到客人想點餐。
鐵觀音珍珠奶茶
11 views
0 likes
0 comments
滷香拼盤
13 views
0 likes
0 comments
當歸藥膳湯
16 views
0 likes
0 comments
御品三寶牛肉麵
17 views
0 likes
0 comments
珍珠熔岩蛋糕
36 views
0 likes
0 comments
Post
