鑽石餐廳 (Closed)

煙三文魚黑松露沙律一流，個黑松露醋嘅味道調校得剛剛好，香氣加鮮味，可比美星級酒店的餐廳水準。主菜較喜歡炭燒豬扒，好淋滑，夾埋伴碟嘅洋葱再點豉油，好好味。燒三文魚扒是另一絕,外皮香脆但內裡仍然是魚生，兩個食法。主菜當然還有牛排啦，西冷及牛仔柳各有千秋，西冷味道較濃，牛仔柳肉質較滑，師父燒牛排功夫一流。若果要吃飯，可選香草雞石窩飯，雞肉夠嫩，飯夠香。意粉我會推介大蝦忌廉汁意粉，隻隻頂級大蝦，用料十足，忌廉汁香而不會溜口。甜品首選合桃笆菲，一件我自己就一定唔夠。若果伴碟的薯菜可讓客人自由選擇配搭便更理想。