小越南 (Closed)

🧡今日去到美孚搵食，係openrice睇下有咩好食。就見到呢間越南餐廳，好似都幾吸引，所以就決定去試一試。本來都唔抱住好大嘅期待，點知竟然有小驚喜。我叫左兩個一人餐，一人餐包一個主食+一杯嘢飲+一個小食。小食有酸辣鳳爪✨同炭燒豬頸肉，酸辣鳳爪味道相當好👍🏻，唔會太酸，超級開胃。炭燒豬頸肉就略嫌失色，味道正常，但燒得唔夠徹底。之後就到主菜啦，因為見到黑板寫住廚師推介，所以經過一番討論就叫左一個飯同一個麵。1.辣椒膏豬頸肉炒河粉辣椒🌶️味未算超級重，對於中意食辣既我黎講算ok，係幾開胃既。河粉抄得唔錯，唔會好爛，質感幾好。比較出色嘅係佢嘅豬頸肉，竟然比小食嘅豬頸肉更好食。炒河粉裏面嘅豬頸肉十分酥脆，去買河粉一齊食，真心係唔錯嘅。2.菠蘿蝦膏海鮮炒飯呢個炒飯相比炒河粉清淡很多，蝦膏未算十分突出。一開始食的時候，覺得味道一般般，跟住再食多幾啖，發現都幾好食。蝦膏配菠蘿嘅組合係幾新鮮嘅，加埋裏面有好多海鮮，例如蝦，魷魚，炸魚柳等等，我覺得都好足料。如果鍾意食清淡嘅朋友，呢個炒飯係好適合嘅。飲品方面，我哋叫咗一杯熱飲同一杯凍飲，分別係熱菜蜜同凍檸蜜。佢嘅熱菜蜜甜度係啱啱好，所以最後我係成杯K.O.左