Maison Du Mezze

老公生日🎂想搵一間有特色嘅餐廳同佢慶祝，喺偶然情況下發現呢間主打中東黎巴嫩美食嘅餐廳，就決定試一下吧！去餐廳之前巳睇定食評，選定自己想試的食物，順道打下卡🤭。位置有少少隱蔽，不過好快就搵到。入到餐廳覺得好靚好有特色，服務員細心介紹，原來當日中午有自助餐，仲有生蠔同熟蝦任食，都係三百蚊一位（唔記得咗實質係298定289/位😅），飲品另計。最後我哋都係冇散叫，選擇自助餐。食物好有水準，最鍾意食鷹嘴豆蓉，生蠔不太肥美，但好新鮮，其他沙律熟食甜品都唔錯😋。最緊要係連生日主角都覺得ok好食。而飲品我都係叫咗網上食評推介嘅MDM mulue同埋Passionfruit Yakult✨，本人就覺得後者好飲啲，大家都可以一試啊😊最後值得一讚嘅就係經理同埋服務員都好友善，希望下次有機會在去。