Video
Read full review
2023-04-21
731 views
今日約咗閨蜜食晏， 周圍都多人冇位， 唯一經過呢度， 成間餐廳得一台客， 諗住要清淨啲傾下偈 ，就入咗嚟。 店員指我哋坐一張二人枱， 好窄， 見到有梳化位四人枱 ，我哋問可唔可以坐， 店員話已經有人訂咗 ，冇辦法我哋只可以坐喺好細張嘅二人枱 。覺得涼涼地，問店員可唔可以先要兩杯溫水， 店員姐姐冷冰冰咁回答 ，我哋只有tap water ，跟住就走咗去。🙄 冇辦法，我哋唯有要套餐嘅熱飲咖啡先上 ，兩杯都要拿鐵， 兩杯咖啡送到嚟， 係好淺色， 飲落冇乜咖啡味，淨係得奶味， 仲有係唔熱， 一杯熱咖啡， 冇咖啡味 ，唔熱 ，好似飲奶水咁，我個朋友問 可唔可以加啲咖啡， 店員姐姐話唔得，除非加錢再叫一杯， 當時覺得好冇癮 ，心諗冇下次。 跟住兩個人每人叫一個套餐， 前菜係南瓜小米沙律， 都幾好食，呢個係一個好特別嘅沙律， 加咗意大利醋好開胃 ，個賣相都幾靚， 呢個係唯一一個滿意嘅部分。 跟住主菜有香燒牛油日式麵豉雞扒燴意大利飯， 同埋美國安格斯腹肉牛扒配綠茶天婦羅香菇， 蘿蔔蓉， 兩個算係幾特別嘅套餐， 但係， 意大利飯好似未煮透，中間係硬嘅 ，咬到啲粉出嚟， 雞扒都算ok ，牛扒就認真麻麻地
店員指我哋坐一張二人枱， 好窄， 見到有梳化位四人枱 ，我哋問可唔可以坐， 店員話已經有人訂咗 ，冇辦法我哋只可以坐喺好細張嘅二人枱 。
覺得涼涼地，問店員可唔可以先要兩杯溫水， 店員姐姐冷冰冰咁回答 ，我哋只有tap water ，跟住就走咗去。🙄 冇辦法，我哋唯有要套餐嘅熱飲咖啡先上 ，兩杯都要拿鐵， 兩杯咖啡送到嚟， 係好淺色， 飲落冇乜咖啡味，淨係得奶味， 仲有係唔熱， 一杯熱咖啡， 冇咖啡味 ，唔熱 ，好似飲奶水咁，我個朋友問 可唔可以加啲咖啡， 店員姐姐話唔得，除非加錢再叫一杯， 當時覺得好冇癮 ，心諗冇下次。
跟住兩個人每人叫一個套餐， 前菜係南瓜小米沙律， 都幾好食，呢個係一個好特別嘅沙律， 加咗意大利醋好開胃 ，個賣相都幾靚， 呢個係唯一一個滿意嘅部分。
跟住主菜有香燒牛油日式麵豉雞扒燴意大利飯， 同埋美國安格斯腹肉牛扒配綠茶天婦羅香菇， 蘿蔔蓉， 兩個算係幾特別嘅套餐， 但係， 意大利飯好似未煮透，中間係硬嘅 ，咬到啲粉出嚟，
雞扒都算ok ，牛扒就認真麻麻地， 第一冇問我哋要幾多成熟， 整到好生 ，而且好韌， 綠茶天婦羅香菇就幾好食 ，有四粒，我哋每人兩粒。
食到最後 ，我都係想飲熱水 ，心諗呢間餐廳咁大冇理由熱水都冇， 於是又問另一個店員姐姐 ，佢就斟咗一杯熱水畀我 ，算係有好少少服務態度。 我哋食完餐飯，間餐廳都係得兩枱客，而佢之前話留咗畀客嘅四人枱始終都冇人坐 ，我哋覺得餐廳生意好唔好係有原因嘅 ，服務態度佔咗好大部分， 間餐廳嘅環境唔錯，裝修係好有品味 ，我好欣賞
，但係如果食物同服務都做得唔夠好， 咁又點幫襯得落呢。
51 views
0 likes
0 comments
Post
