二家姐正宗原味麻辣火鍋

Open Now

Now Closed

今晚試咗佐敦渡船角一間火鍋店，佢打正旗號係做重慶麻辣火鍋嘅，不過因為當中有啲朋友唔食辣，所以我哋就嗌咗個鴛鴦鍋，一邊係藥膳清湯鍋，另一邊當然係麻辣啦，叫咗中辣，不過啲朋友覺得未夠勁，下次可以試大辣。火鍋配料一定唔可以唔叫碟靚牛肉，本地手切牛肉同埋安格斯牛頸脊兩者之間我哋揀咗安格斯牛頸脊，啲脂肪分布得幾靚，味道唔錯，唔會太韌而且牛味都算出。呢間火鍋店嘅餃類算係比較少，得三款，我哋就叫咗佢話必試嘅小湯包同埋手工韭菜餃，兩種嘅味道都OK啦，韭菜餃略勝一籌。呢間舖頭整體都唔錯，價錢合理，食物質素都算唔錯，因為有間房坐所以都幾舒服，值得推薦。