Video
Read full review
2011-02-17
22 views
最鐘意旺角呢條天橋 -- 仲有iPhone只要搵到天橋, 就可以一直行呀行呀行呀, 你就知一定去得到旺角東站, 對於後現代路盲如我, 真係世紀最偉大建設之一時值7點, 時機有啲尷尬, 有啲餓, 但返到屋企嗰頭先食都未遲...天橋另一好處, 就係居高臨下, 旺角墟一樣o既橫街巷口有咩舖頭, 都一目了然原來係想坐低好好食個麪, 圖個既飽且暖, 但小餐廳太多, 花多眼亂間, 反而益咗大招牌, 開响熱門港式小食檔側, 佔盡地利o既唐揚最首先值得一提o既係 -- 店員真係十分極之有禮貌, 仲要係誠懇嗰隻, 同外面念口黃train出嚟皮笑肉不笑o既"服務"唔同, 唔單止响旺角呢啲偏"casual"區域成功突圍, 簡直可以話係香港地一道清流有於只有一丁友又冇位坐, 只係叫咗一份大得意雞同埋試咗一下個薯糕餅.等咗一陣, 同四圍啲明顯係地膽o既學生哥/街坊响熟食檔門前周旋一陣, 熱心o既店員就遙距搜尋到我影, 高高舉起手向我示意開頭一望, 以為薯糕餅漏咗單? 唔係, 只係冇諗過佢o既體積同價錢 ($12/pc)相去甚遠, 以至於幾近淹沒在一眾幾乎仲大件過佢o既$18/9件炸雞之間- 得意雞: 紫菜粉配蛋
只要搵到天橋, 就可以一直行呀行呀行呀, 你就知一定去得到旺角東站, 對於後現代路盲如我, 真係世紀最偉大建設之一
時值7點, 時機有啲尷尬, 有啲餓, 但返到屋企嗰頭先食都未遲...
天橋另一好處, 就係居高臨下, 旺角墟一樣o既橫街巷口有咩舖頭, 都一目了然
原來係想坐低好好食個麪, 圖個既飽且暖, 但小餐廳太多, 花多眼亂間, 反而益咗大招牌, 開响熱門港式小食檔側, 佔盡地利o既唐揚
最首先值得一提o既係 -- 店員真係十分極之有禮貌, 仲要係誠懇嗰隻, 同外面念口黃train出嚟皮笑肉不笑o既"服務"唔同, 唔單止响旺角呢啲偏"casual"區域成功突圍, 簡直可以話係香港地一道清流
有於只有一丁友又冇位坐, 只係叫咗一份大得意雞同埋試咗一下個薯糕餅.
等咗一陣, 同四圍啲明顯係地膽o既學生哥/街坊响熟食檔門前周旋一陣, 熱心o既店員就遙距搜尋到我影, 高高舉起手向我示意
開頭一望, 以為薯糕餅漏咗單? 唔係, 只係冇諗過佢o既體積同價錢 ($12/pc)相去甚遠, 以至於幾近淹沒在一眾幾乎仲大件過佢o既$18/9件炸雞之間
- 得意雞: 紫菜粉配蛋黃醬, 穩陣配搭. 雞係即炸, 但一啲都唔油, 大大舊有咬口, 唔似一般街邊炸雞唔係咸得濟就偏乾, 面頭炸粉唔會太硬, 抵讚. 加Mayo一流, 絕對係翻啅之選
- 芝士薯糕餅: 新意同味道都係中上, 預先切開咗兩邊serve, 賣相加分, 芝士煙靱, 薯蓉唔會太厚身令人飽濟, 係有少少炸得唔透, 而且賣12蚊的確未能令人覺得物有所值, 可能味道/特色上要再下功夫
炸金菇同炸虎蝦都好吸引下次試!
似乎係一間高質素o既炸小食店, 日後就算打條路都會再試. 不過既然佢就開响橋底, 都唔擔心冇重遇o既機會
Post