Video
Read full review
2020-07-03
343 views
以魔術表演為主題的酒吧 HANDS環境舒適 店員好nice好fun 見到隔離枱真係會有魔術師同客人玩啤牌 可能係我地五個女人完全講唔停既關係 今次就體驗唔到魔術環節HANDS有多款本地啤酒品牌 城釀 釀製既本土手工啤酒 仲有推岀抗爭主題既啤酒 8點前都有Happy hour▪️麻婆Mac & Cheese $128芝士份量毫不吝嗇 超級拉絲第一啖食落去完全感受到陣麻香味 花椒味道突岀 估唔到同芝士 煙肉 又幾夾通心粉唔會過熟過冧 當中仲有唔少滑嫩豆腐呢道fusion菜好惹味 超適合重口味人士 真心幾推薦▪️即炸鮮薯片 配 手製他他醬 $88薯片好薄好脆身 乾爽唔油膩 擺耐左都幾脆 配啤酒真心一流 略嫌手製他他醬味道偏淡 份量偏少⠀⠀▪️澳洲和牛烤芝士他他漢堡 $138最想試既西施牛柳酸忌廉漢堡賣晒 唯有試下餐廳推介既和牛漢堡和牛質地偏厚實 尚算juicy 牛味濃郁麵包鬆軟 表面經烘過 帶小小脆身中間夾有番茄同菜 他他醬同芝士份量唔算特別多 略嫌有少少乾整體中規中矩 最有驚喜係旁邊嘅沙律 因為有我好鍾意嘅芝士碎⠀⠀▪️So9sad 黯然銷魂堡 $128黯然銷魂堡完全係黯然銷魂飯嘅變奏版 有齊叉燒
環境舒適 店員好nice好fun 見到隔離枱真係會有魔術師同客人玩啤牌 可能係我地五個女人完全講唔停既關係 今次就體驗唔到魔術環節
HANDS有多款本地啤酒品牌 城釀 釀製既本土手工啤酒 仲有推岀抗爭主題既啤酒 8點前都有Happy hour
▪️麻婆Mac & Cheese $128
芝士份量毫不吝嗇 超級拉絲
第一啖食落去完全感受到陣麻香味 花椒味道突岀 估唔到同芝士 煙肉 又幾夾
通心粉唔會過熟過冧 當中仲有唔少滑嫩豆腐
呢道fusion菜好惹味 超適合重口味人士 真心幾推薦
▪️即炸鮮薯片 配 手製他他醬 $88
薯片好薄好脆身 乾爽唔油膩 擺耐左都幾脆 配啤酒真心一流 略嫌手製他他醬味道偏淡 份量偏少⠀⠀
▪️澳洲和牛烤芝士他他漢堡 $138
最想試既西施牛柳酸忌廉漢堡賣晒 唯有試下餐廳推介既和牛漢堡
和牛質地偏厚實 尚算juicy 牛味濃郁
麵包鬆軟 表面經烘過 帶小小脆身
中間夾有番茄同菜 他他醬同芝士份量唔算特別多 略嫌有少少乾
整體中規中矩 最有驚喜係旁邊嘅沙律 因為有我好鍾意嘅芝士碎⠀⠀
▪️So9sad 黯然銷魂堡 $128
黯然銷魂堡完全係黯然銷魂飯嘅變奏版 有齊叉燒菜心同蛋 叉燒厚切 味道中規中矩
每道配料水份都唔算特別多 醬汁亦偏少 所以食落有啲乾 個人就唔太鍾意呢款配搭
▪️Kasteel - Barista Chocolate Qued $98
聞落好香朱古力 飲落係一杯好易入口既啤酒 最後會有小小朱古力既餘韻 幾特別▪️城釀 - 我城正在指示 $88
城釀岀品既draft beer 入口啖啖果香 朋友表示幾鍾意呢款
整體而言 Mac & Cheese有驚喜 burger食落有啲失望 建議大家可以飲手工啤 再嗌Mac & Cheese做小食
Post
