Video
Read full review
2024-05-02
162 views
👩🏻好耐未食過放題，帶埋胃口細嘅長輩，揀最平嘅A餐就啱。所有套餐都包🇲🇾馬來西亞榴槤任食！好腍好熟超級甜，仲可以揀烤/免烤。榴槤控表示超滿足✌🏻。👩🏻覺得佢哋嘅火炙壽司幾好食，尤其係三文魚同左口魚。滿滿魚油香加埋微暖嘅壽司飯，好食過唔少壽司鋪。長輩覺得羊腩煲超正！一份係兩至三人份量，但係我哋兩個人食咗兩份。羊肉好嫩好腍，羶味唔重。仲有煮得入味嘅冬菇同筍。天婦羅類唔會好厚粉。串燒、燒烤類都好香口。同埋上枱全部嘢都係熱。試咗好多樣，唯獨係和風牛柳粒差少少。燒汁調味幾好，但肉質真係比較韌。估唔到而家放題餐廳都會有個咁大型嘅雪糕櫃。連Movenpick同Häagen Dazs嘅杯裝都係任食！
👩🏻好耐未食過放題，帶埋胃口細嘅長輩，揀最平嘅A餐就啱。
所有套餐都包🇲🇾馬來西亞榴槤任食！好腍好熟超級甜，仲可以揀烤/免烤。榴槤控表示超滿足✌🏻。
👩🏻覺得佢哋嘅火炙壽司幾好食，尤其係三文魚同左口魚。滿滿魚油香加埋微暖嘅壽司飯，好食過唔少壽司鋪。
長輩覺得羊腩煲超正！一份係兩至三人份量，但係我哋兩個人食咗兩份。羊肉好嫩好腍，羶味唔重。仲有煮得入味嘅冬菇同筍。
天婦羅類唔會好厚粉。串燒、燒烤類都好香口。同埋上枱全部嘢都係熱。試咗好多樣，唯獨係和風牛柳粒差少少。燒汁調味幾好，但肉質真係比較韌。
估唔到而家放題餐廳都會有個咁大型嘅雪糕櫃。連Movenpick同Häagen Dazs嘅杯裝都係任食！
Post
