有檸手打檸檬茶

Open Now

Now Closed

📍銅鑼灣 有檸手打檸檬茶今日行開銅鑼灣，雖然落雨但係都行到身水身汗，所以就諗住搵間手搖店解一解暑。行到去希慎隔離，時代廣場對面，見到有間手打檸檬茶。外面有好青嘅招牌，所以一眼就見到😂。爆打檸檬綠 $38佢所謂嘅爆打，真係超級爆大力打😂見到店員好落力咁樣打碎啲檸檬，所以成杯檸檬茶好香檸檬味，而且有種甘香嘅感覺，唔似平時一般檸檬茶得死甜。而且佢哋仲好貼心，除咗有平時嘅檸檬紅茶選擇之外，仲要有埋綠茶可以選擇。海鹽黃皮 $38自己本身好鍾意黃皮，但係唔係成日有得買，仲要食起上嚟好麻煩，有時就咁食仲會好酸。而黃皮加埋落去檸檬茶入面，呢個配搭又酸又甜，除咗可以突顯黃皮嘅香之外，仲冇左好酸嘅感覺。而且因為係手打，所以黃皮肉同黃皮嘅皮都仲喺個飲品入邊，令到成杯檸檬茶嘅口感好豐富。