稻埕飯店 (V Point) (Closed)

是日慶祝長輩生日，4個人黎左稻埕飯店吃晚飯，最後得到既評價好正面。首先餐廳環境寬敞，特別一讚係侍應生服務水準好好，每一道菜上台都會稍作介紹。前菜試左話梅小山藥同白滷水鮑魚。山藥酸酸甜甜好開胃，鮑魚入味唔韌。蟹肉蛋白泡泡脆米金湯：色香味俱全既南瓜湯。鹽酥波士頓龍蝦脆角豆金瓜：龍蝦唔黏殻，龍蝦肉好大舊，擺碟好精緻？炸豆、炸秋葵、炸南瓜都好香脆！黑松露鮮百合花：第一次食新鮮既百合花，唔係甘容易搵到新鮮百合花入饌，加左黑松露好香但又唔會蓋左百合花鮮味，仲有金箔，讚！香煎一口鵝肝牛小排：鵝肝靚，牛小排入味！八斗子炒飯：非常之香！料頭十足而且份量都唔小。