Cook King Cooking (Closed)

我好少寫食評，除左有d懶之外，真係唔算太多餐廳令我有深刻印象，但今次呢間一定要推介下。今日同幾位朋友來到呢間餐廳食午餐，餐廳唔算好大，但俾人好舒服既感覺。通常晚餐菜式變化會大d，但估唔到呢度既午餐都好有驚喜。炸雞好嫰滑，個沙律醬好好味。紫薯餅/甜薯餅咖哩值得推介，薯餅外脆內軟。意粉醬汁好濃郁好夠，唔會好似有d餐意粉又乾，有汁都好似唔夾咁。另一推介係甜薯條，好特別，冇一般薯條咁油，甜甜地好好味。咖啡好睇又好飲。杯玫瑰鮮奶咖啡好香玫瑰味。試過出面好多玫瑰咖啡只落幾片花瓣就算。大廚推介左杯荔枝甜品（有少少酒，唔記得咩名），好清甜，岩晒唔好太甜既我。另外雪糕pizza都好味，不過呢個要同人share食至得，因為食完份午餐太飽了。價錢公道，食物份量又唔少，員工服務也很好，很有誠意及水準既餐廳。