嘉豐點心專門店

Open Now

Now Closed

我好鐘意食依啲茶樓仔，因為無一般酒樓咁嘈，價錢仲平啲，每位茶位都係兩蚊，不過張枱就細咗少少囉。但係唔緊要，最緊要乾淨同好食啫。鳳爪排骨飯係我至愛，其實我淨係鐘意食啲飯加甜豉油，啲餸係咩其實無所謂，$19一個迷你煲仔，真係幾好，最貼心係服務員成樽豉油放喺度俾我任落，哈哈！跟住講下薑葱牛栢葉，佢都係我飛弗嚟嫁，份量都幾多，仲有啲白蘿蔔墊底，唔錯唔錯。豉汁蒸鳳爪，係飲茶必叫嘅點心，$15扺食啦，味道都相當唔錯嫁。潮州粉果$13，原本呢，佢嘅味道好好嫁，好少花生（因為我唔鐘意啲花生嫁），不過佢個水晶皮一夾就爛咗喇，有啲失敗囉。飲茶點少得蒸腸粉嫁，蝦腸都係$18，雖然啲蝦比較細隻，不過佢層腸粉皮都做得唔錯，幾煙韌幾滑。蟹子燒賣皇$19，不過我唔係幾鐘意，因為唔夠實淨，感覺好肥豬肉。奶王馬拉糕$15，熱辣辣，軟綿綿，如果多啲奶王味會好啲囉。鮮蝦腐皮卷，點可以唔食炸野嫁，三大條，有六件，脆卜卜，好味道。依加付上餐單，等大家揀定食咩點心啦。我就住喺九龍城嘅，一直以嚟都食開另一間茶樓仔嘅，依加有多個選擇lu，最喜歡就係依啲茶樓仔通常都好夜先收門，口痕入去食幾樣又得，當正餐又得。我今次食咗幾款點心咋，下次