Video
Read full review
2006-07-17
1 views
香港嘅雲吞麵鋪多得有如繁星，但有水準嘅確係十隻手指都數得晒，對面海嘅有麥奀及何洪記，九龍呢面要數係呢間鋪la...上星期六一支公嚟呢度食，可能早嚟到，人唔多。自從佢裝修之後就想嚟試，本來想食佢哋新menu入面嘅大包及豬潤燒賣，但坐低一望個餐牌就發覺無咗，有D失望>.<...攞住個menu望咗好耐，終於決定食佢哋拿手嘅雲吞麵及及第粥。雲吞麵份量較少，麵只有兩三箸，跟傳統嘅份量及賣相一樣。湯顏色清澈，喝一口，感覺好清，無乜味精；吃一口麵，無落鹼，不過麵身較腍，唔太夠彈牙；雲吞係傳统式做法，細細粒，蝦及豬肉比例參半。總体嚟講算係頗高水準嘅雲吞麵，唔錯。及第粥亦係水準之作。粥煲得軟綿，豬潤爽口，無乜太大苦味；豬腸亦都爽口、豬肉丸細細粒，落咗D肥豬肉入去打，食落有滑嘟嘟感覺；豬肚亦無乜異味，全部都係新鮮貨，唔錯。價錢雖然貴咗D，但確值得一食...
上星期六一支公嚟呢度食，可能早嚟到，人唔多。自從佢裝修之後就想嚟試，本來想食佢哋新menu入面嘅大包及豬潤燒賣，但坐低一望個餐牌就發覺無咗，有D失望>.<...攞住個menu望咗好耐，終於決定食佢哋拿手嘅雲吞麵及及第粥。
雲吞麵份量較少，麵只有兩三箸，跟傳統嘅份量及賣相一樣。湯顏色清澈，喝一口，感覺好清，無乜味精；吃一口麵，無落鹼，不過麵身較腍，唔太夠彈牙；雲吞係傳统式做法，細細粒，蝦及豬肉比例參半。總体嚟講算係頗高水準嘅雲吞麵，唔錯。
及第粥亦係水準之作。粥煲得軟綿，豬潤爽口，無乜太大苦味；豬腸亦都爽口、豬肉丸細細粒，落咗D肥豬肉入去打，食落有滑嘟嘟感覺；豬肚亦無乜異味，全部都係新鮮貨，唔錯。
價錢雖然貴咗D，但確值得一食...
Post
