糖朝 (Closed)

好耐無同過爸B出去撐抬腳喇，爸B話好耐無一盅兩件喔，咁就霖住帶佢去試下新口味喇，糖朝未去過，我都順便去試下新嘢喇。糖朝係扶手電梯下地下一層，地方雖然大，但光線比較暗，通風麻麻，感覺有D焗。點咗幾樣平時鐘意食既點心，蝦餃賣相唔錯，皮夠薄，蝦大大只，蝦肉新鮮有口感，我同爸B每人食兩件仲未夠喉，仲叫多咗一籠。蟹子燒賣，普普通通，無咩特別。話說哩道係用純牛肉整的，確實真材實料，但係全部都只係用咗牛肉，食起身口感都唔系好好··無俾到新鮮感我哋，有點兒失望。呢個腸粉最失望了，皮好厚無口感，餡料少，賣相更加唔使講啦，睇到胃口都減半喇。滿懷希望咁想帶爸B食D好嘢，除左個蝦餃值得叫多一碟，其他既眞系好普通，而且哩道消費都較高，人均都$100,確實唔抵食。