炯記燒味

Open Now

Now Closed

同朋友去開尖沙咀行街肚餓，見到炯記，之前食過其他分店，海外朋友又想食燒味，所以就入黎食。見到平時2:00-6:00pm仲有下午茶時間，好抵食。因為我地比較肚餓所以叫咗好多。望下餐牌，燒味店竟然有腸粉食，正呀，啱哂我，個腸粉仲可以有好多配搭，可以配海蜇，鹽焗手撕雞，麻辣，或鴛鴦。 我地揀咗腸粉配鹽焗手撕雞，滿足哂兩種選擇。 腸粉好滑，配埋混醬同鹽焗手撕雞，正～之後唔少得電影《食神》嘅黯然銷魂飯，即係叉燒煎蛋飯，煎蛋係我嘅必加至愛！！ 最鍾意半肥瘦，少少膿嘅义燒帶少少焦香，肉質鬆化，荷包蛋蛋邊香脆而蛋白幼滑，完美配搭～跟住當然必點呢度嘅招牌菜燒鵝，同拼燒肉。燒鵝有獨特煙燻嘅香味，皮又脆又薄，其肉嫩及皮下油脂豐腴，燒出來嘅鵝又香又脆又多汁。燒肉都皮脆、好香口，卜卜脆，肉嫩。非常滿意，抵食。