珍一料理 (富榮大廈) (Closed)

今日經過荃灣，見到路德圍嗰頭新開左一間川味小食外賣店，就決定買番返屋企加餸。🥢川麻三拼 - $55我叫咗金錢肚、豬耳同豬肘。本身以為好辣，因為我都唔係好食得辣，但係個麻辣味辣得來又唔會太刺激你個味蕾而失去左本身食材嘅味道。而每個餸都切到一絲絲細條，都幾有心思。🍴五香三拼 - $50有牛筋凍、五香牛肉同雞腎。牛筋爽口。五香牛肉同雞腎都好入味，同一啲都唔肥膩。🐓椒麻雞（半隻) - $68個份量都幾多。唔好以為個顏色冇咩味，其實食完之後有好勁嘅椒麻味，而且雞肉肉質新鮮同嫩滑。🐖東坡肉飯 - $35東坡肉滷得好入味同淋，用埋啲汁嚟囉飯就一流。