break (Closed)

今日 經過 開觀塘， 要搵個地方chill下, 畀我發現到 呢間 cafe, 日式咖啡店， 如果你係coffee lover咁你就發達啦， 佢哋真係有好多種唔同嘅 咖啡／ 咖啡特飲mixture， 下午茶時間仲要無限添飲， 由於我哋未食飯所以 叫咗《香煎牛側腰飯》， 個名好特別， 佢包埋前菜---墨魚咀 ，同埋麵豉湯， 所有飲品仲要有得減， 你睇下啲 牛側腰煎得啱啱好pinky， 又香又嫩， 配上珍珠米， 真係好好食！ 加埋佢個墨魚咀前菜， 墨魚嘴爽爽地 感覺好得意， 佢哋嘅麵豉湯都好用心， 好多豆腐同埋紫菜。 另外點咗 鰻魚井, 啲鰻魚大大塊仲有兩塊， 一樣 有墨魚咀 同埋麵豉湯， 真係好似 飛咗去 日本食嘢咁, 我哋分別點咗 檸檬 特飲同埋pinky crash, 你飲到新鮮檸檬榨汁嘅味, 同埋士多啤梨奶昔 打卡絕對一 流， 就係咁我哋就可以chill咗喺度 慢慢歎~~ 開心大 發現:📌break Friday! 逢星期五全日black & white coffee買一送一（12pm-2pm除外）📌下午茶餐 堂食，飲品免費添飲📌下午茶時段，每杯堂飲送是日蛋糕一件🤣