真味鮮廚 (Closed)

星期日同屋企人去左觀塘飲茶, apm個邊都有好多間酒樓, 而哩間係之前食開覺得食物有水準既, 屬於海港集團既真味鮮廚。2點鐘到達, 眼見都好爆場, 但竟然唔洗排隊即刻入得~平時一至五下午茶時間依度既大中小點都係劃一價錢,$16蚊, 真係幾抵, 星期日就無哩個優惠, 只會有假日點心紙同埋燒味湯粉~ 山竹牛肉球 只係小點, 熱辣辣鮑汁鳳爪每次黎必點, 鳳爪入哂味, 夠腍又唔會腍到爛哂個種, 鮑汁亦好濃味粟米豬肉粥粥既味道ok, 但佢個兩舊油炸鬼韌到咬唔到, 可能粥品既流量比較低, 條油炸鬼明顯唔知擺左幾耐煎堆拼咸水角正! 兩款都係新鮮熱辣炸出黎, 外皮脆口又煙韌, 煎堆入面係黑芝麻味茄湯解竹卷幾得意既點心, 加左英文字母粉, 酸酸咪咪幾岩小朋友同老人家食分蹄米線米線有d淡, 但分蹄就好好食唯一有少少不足就係服務方面, 樓面好少主動加茶, 個茶壺蓋拎起左一段時間都無人理, 都係要自己舉手叫人, 但當你舉手叫人既時候都有少少困難因為佢地會扮睇唔到你😈同埋問佢地拎碟辣椒醬, 轉個頭佢地會唔記得, 要問兩三次先會拎得到唔通真係只有農曆新年既時候先有好服務既😂😂😂不過哩間酒樓食物既賣相同味道都有水準