利寶閣 (Closed)

西式自助餐食得多，中式都係第一次。見到團購就試下啦，帶埋婆婆媽媽去，食到佢地讚。讚。讚。首先每人一盅佛跳牆，唔係味精水，真係有鮑魚炖既湯，好味再來大大隻虎虾上湯麵，虾好大隻好爽口。呢兩樣都係得一份，無得再加。之後就開始勁食大賽😂自助餐開始，為保持品質，所以都係寫紙即叫即整既，鍾意食海鮮既我地一定唔會放過肉蟹同虾啦，有幾款口味，我個人欣賞避風塘炒蟹，啲蟹好大隻架仲有膏添，超級正。之後新鮮片皮鴨出場，呢個都係任食唔使爭又唔使驚人少食唔晒，皮好脆口又唔會太肥，見到小朋友都食得好滋味。主餐食飽飽當然唔少得甜品啦，紅豆冰同杏仁茶要推介。仲有小朋友愛食既雪糕揀。呢次中式自助餐真係又抵又好食，好岩帶長輩👴🏼去食。