臺北棧 (荷李活道) (Closed)

同囡囡去咗中環check in taipei食台灣嘢，餐廳容易搵，就喺大館對面，食飽仲可以去行一陣。呢度嘅食物好有特色，賣相好吸引，我地食得好開心。經典珍珠奶茶 $48好大杯，茶味香濃，珍珠彈牙。鮮芭樂苦瓜汁$58 清新水果香，唔太甜亦唔會苦，係我鍾意嘅味道。鹹蛋黃芋泥乒乓球$72 賣相好可愛，食落外脆入面有鹹蛋黃同芋泥。蒜香三色台腸 68蒜片炸得香脆， 台灣腸惹味。鳳梨酥奶奶麻糬$85麻糬煙靭，香濃牛奶味，配上牛油製作嘅鳳梨酥脆脆，及手工製嘅鳳梨酥，好滋味。