一葉台灣料理

Open Now

Now Closed

去完東岸公園主題區，順便係附近搵下嘢食，見到呢間台灣小店好似幾正咁，同朋友食下先～最近呢幾日真係好熱，餐廳嘅冷氣好足夠，十分抵讚自助區有提供餐具同埋水，可以自己斟水飲～🔸台式香腸炒飯好大碟呀，夠曬兩個人食，炒飯粒粒分明，有大量嘅台式香腸，炒得好香好乾身，好好食😋🔸櫻花蝦炒高麗菜櫻花蝦嘅鮮味可以令到高麗菜食落更清甜，呢兩樣真係絕配！高麗菜依然翠綠爽口，啱曬呢啲咁熱嘅天氣食，係屋企我都好鐘意咁樣炒🔸蚵仔酥蚵仔非常新鮮，食落外酥內鮮，蠔味濃郁，重點係一啲都唔油，食到停唔到口🤭呢個鹽酥蚵仔真係十分出色，超好食！