金樂軒雞煲魚鍋

Open Now

Now Closed

想食雞煲但又冇晚市所以午市黎食。午市嚟到見到好多人都係食午市小炒或者碟頭飯，同埋見到都幾多人食，相信都係熟客，心諗多熟客應該唔會中伏嘅。一入到去老闆就問我哋食雞煲定魚煲，諗諗吓魚煲都幾好就叫左，原來係酸茶桂花魚煲黎，另外仲嗌咗魚皮、餃子拼盤、豬頸肉、魷魚同埋豬肉片，仲叫左兩杯野飲。啲嘢食好快就嚟度，桂花魚已經起咗肉所以好正，啖啖肉，我哋兩個人食都食左三四碗魚，所以好大份量，另外佢個酸菜好開胃，同d魚好夾，特別一提佢啲豬肉片係靚野黎，唔係話好肥同埋唔會好柴，叫咗個魚皮好啱點魚煲所以都推介如果食魚煲都可以嗌埋魚皮。其他嘅膠紙豬頸肉魷魚都係正常發揮。重點係個酸菜桂花魚係好正，同好大份，總結下次會再嚟，試埋佢個雞煲同埋其他小炒，相信一定好有鑊氣。