鄉誼茶座

Open Now

Now Closed

嚟得鹽田梓一定要試下隻土窰雞，賣土窰雞的鄉誼茶座只有星期六日同公眾假期先開，如果唔想碰下運氣嘅話就最好先預約定隻雞先，如果唔係會有啲可惜呢。土窰雞($338) - 好有雞味，皮雖然唔係好脆但經過柴火燒過嘅煙燻味，好有風味，肉質潄滑就算雞胸位都唔鞋，雞油重好香，如果係完運動行完山扒完獨木舟之後嚟食一舊雞會更加好好味呢。五香滷牛展 ($148) - 有啲靭，但滷得入味嘅，但味道就普普通通咁。其實我哋都食咗唔少野，客家釀豆腐，煎蛋角，但都係普普通通，唯獨是隻土窰雞真係必食，有風味得嚟又好食，難得入到鹽田梓就唔好放過依個難得機會啦。