Video
Read full review
2018-05-03
174 views
講真其實小編一直對主題餐廳都唔睇好，因為通常啲野都係好睇唔好食，都係純粹for打卡用。但估唔到今次去尖沙咀新開嘅呢間魔幻主題法國菜餐廳，啲嘢都幾好食下，而且有返一定嘅水準。餐廳內仲有好多唔同嘅打卡影相位添，真係好似走咗入魔幻世界咁呀！而且佢每上一道菜都有店員解釋返道菜係點樣煮，真係做得超級到位。🍴Atlantis SetAppetizer：香煎吞拿魚伴西米脆片尼一個前菜真係超級有驚喜，嗰個吞拿魚小編一放入口仲以為自己食緊牛肉添，一咬開裏面就有啲吞拿魚味走咗出嚟，真係超級surprise呀。另外喺個吞拿魚上面仲有啲芥末泡泡喺度，芥末味好香，但又唔會話好辣好攻鼻，同個香煎吞拿魚一齊食真係超級夾。另外塊西米脆片都唔錯，入口真係好香脆啊，而且亦都唔會話好油膩。竟然仲比小編係呢個前菜裏面無意中搵到有一隻小樹精喺度添，係小確幸呀😊Soup：馬賽海鮮湯個湯上枱嗰陣真係嚇親，估唔到裏面竟然有咁多海鮮喺度呀，當中最好食嘅係個青口同埋嗰個紅鯔魚。魚嘅口感一啲都唔霉，而且有好重嘅魚味。而個青口直情係驚喜添呀，雖然就細隻咗啲，但入口超級鮮甜，真係超正啊。個海鮮湯底其實係蕃茄薯仔湯，不過胡椒粉就落得多左少少。M
而且佢每上一道菜都有店員解釋返道菜係點樣煮，真係做得超級到位。
🍴Atlantis Set
Appetizer：香煎吞拿魚伴西米脆片
香煎吞拿魚伴西米脆片
$480
17 views
0 likes
0 comments
尼一個前菜真係超級有驚喜，嗰個吞拿魚小編一放入口仲以為自己食緊牛肉添，一咬開裏面就有啲吞拿魚味走咗出嚟，真係超級surprise呀。另外喺個吞拿魚上面仲有啲芥末泡泡喺度，芥末味好香，但又唔會話好辣好攻鼻，同個香煎吞拿魚一齊食真係超級夾。另外塊西米脆片都唔錯，入口真係好香脆啊，而且亦都唔會話好油膩。
竟然仲比小編係呢個前菜裏面無意中搵到有一隻小樹精喺度添，係小確幸呀😊
Soup：馬賽海鮮湯
馬賽海鮮湯
23 views
0 likes
0 comments
個湯上枱嗰陣真係嚇親，估唔到裏面竟然有咁多海鮮喺度呀，當中最好食嘅係個青口同埋嗰個紅鯔魚。魚嘅口感一啲都唔霉，而且有好重嘅魚味。而個青口直情係驚喜添呀，雖然就細隻咗啲，但入口超級鮮甜，真係超正啊。個海鮮湯底其實係蕃茄薯仔湯，不過胡椒粉就落得多左少少。
Main Course：慢煮野生灰鯛魚
慢煮野生灰鯛魚
16 views
0 likes
0 comments
灰鯛魚外皮好香脆，而個肉質就好嫩滑。灰鯛魚下面有啲藜麥係到，藜麥既味道就比小編想像易入口，藜麥落左啲蒜去炒，所以都有好重既蒜味。而且佢用到藜麥聽個名都覺得超健康啊！最重要係佢呢度嘅藜麥一啲都唔難，而且好軟身，唔知仲以為係食緊啲超細粒嘅飯。
Pasta：白酒忌廉汁藍青口意粉
白酒忌廉汁藍青口意粉
5 views
0 likes
0 comments
首先唔可以唔睇佢嘅藍青口真係超級正呀，店員解釋嗰陣話佢哋嘅藍青口係即日連嚟香港，所以真係好鮮甜，絕對係小編杯茶，而且青口隱約食到有少少牛油嘅香味。
至於個意粉方面就比平時喺出邊街食到嘅稍為粗少少，雖然係咁，但係意粉嘅軟硬度都係適中嘅。白酒忌廉汁嘅味道偏向比較甜，不過白酒味都好突出
Dessert：焙茶芝士餅
🍴Narnia Set
Appetizer：西班牙鬆脆包配海蝦
西班牙鬆脆包配海蝦
$310
9 views
0 likes
0 comments
本來呢一道前菜應該係配鵝肉醬，不過咁啱小編去試嗰日就冇晒，所以就轉咗做海蝦。鬆脆包入口又鬆軟又夠脆口，而且個包底都唔會太乾身。至於個海蝦方面本身有輕微煎過，所以亦都好香口。不過呢個前菜嘅驚喜就不大，同小編預計嘅差唔多。
Pasta：鵪鶉脾意大利飯
鵪鶉脾意大利飯
11 views
0 likes
0 comments
呢個鵪鶉脾入口肉質真係超級嫩滑，而且表面加左少量七味粉，所以令到整體嘅味道更加惹味。另外個意大利飯方面，本身加左啲蘑菇喺度，所以有好香嘅蘑菇味。而且佢呢好飯嘅蒜味係極重。不過意大利飯嘅質感就偏向比較硬少少，可能有啲人會唔係好習慣。
Dessert：焙茶芝士餅
焙茶芝士餅
10 views
0 likes
0 comments
芝士餅嘅焙茶味真係好香好濃，而且呢一個甜品亦都有CheeseCake嘅實淨，不過又唔會話好膩喎。但係可能如果有返個餅底嘅話會更加好。至於佢嗰隻將方面係平時比較少見嘅洛神花醬，味道酸酸甜甜咁都幾特別下，不過其實小編都係要睇返Menu先知呢隻係咩醬。
Post
