峇峇娘惹 (MOSTown新港城中心(4期)) (Closed)

好多人話馬鞍山係美食沙漠 今日探朋友經過馬鞍山 我地想食返個下午茶咁岩見到呢間娘惹茶就有啲心思思想試不過其實食之前都無本住好大期望架 但食完覺得有啲驚喜!我揀咗佢嘅魚蛋滲滲喇沙黎食 佢地個喇沙湯底好正幾有傳統馬來西亞口味 我都不其然飲多幾啖湯 啲麵都好好口感 不過魚蛋我就覺得普普通通 下午茶份量岩岩好 另外加咗$5 要個凍嘅拉茶 拉茶好好飲 茶味同甜味岩岩好 不過多冰咗少少 另外嗌多咗份咖央西多士一齊share食 新鮮整起熱辣辣 總結黎講呢間鋪頭有啲驚喜 幾好食 會再黎食多次